Pierre Maas

 

 

Pierre Maas (1902-1993)

 

De Pierre Maas ass den 13. Mee 1902 zu Ierpeldéng (Réimech) gebuer ginn.

Hie war vun 1921 u Schoulmeeschter am Éislek (Ënsber, Wanseler, Woltz) a vun 1948 bis 1962 Oberprimärschoulmeeschter zu Réimech, wou hien am Buschland gewunnt huet.

Hie war mam Maria Dahlem bestuet; si haten zwee Kanner, d'Germaine (*1931) an de Roudo (*1934). De Roudo ass 1957 mat 23 Joer bei engem Accident gestuerwen. D'Ger Maas ass zënter laangem eng international unerkannte Molerin.

De Pierre Maas huet haaptsächlech Landschaftsmotiver gezeechent a gemoolt, dorënner e sëlleche Gaassen a Gebaier vu Réimech, an et gëtt och eng Rei Linoschnëtter vun him. Mat senge Wierker huet hien u villen Ausstellungen am In- an Ausland deelgeholl.

Nieft der Molerei hat hien d'Musek gär – hie war joerzéngtelaang Sänger an zäitweileg och Organist an Dirigent vun der Chorale Sainte-Cécile Réimech. Hie war och e begeeschterte Fëscher a gouf dacks mat senger Aangel bei der Musel gesinn.

De Pierre Maas ass de 25. Oktober 1993 gestuerwen.

 

Ph.R.

 

 

Tour antique de l'église de Remich (Privatbesëtz)

 

 

La Vigne, 1985 [Linoschnëtt] (Privatbesëtz)

 

 

La Vigne, 1985 [Linoschnëtt] (Privatbesëtz)

 

 

Maachergaass

 

 

Bur op der Musel

 

 

Porte Saint Nicolas à Remich Estampe

Porte Saint Nicolas à Remich   Estampe Lino  (Privatbesëtz)